TKSK: KOUMAN POU KALME DOULÈ LATIBOJÈN

Ti konsèy sou Kuizin avèk chèf Jéach

Jodi ya se samdi jou « kwizin, famasi lakay », jou kote nap konstate ke bagay ki laa nan kwizin nan ka sèvi medikaman.

Se jousi kòm map viv yon peyi lòk, mwen mache anpil e sa rive mwen kontre bab pou bab ak afwontman manifestasyon epi lapolis ki ap bay gaz. Kòm nou toujou nan lespri mwen mwen di eske pasyone konnen ki sa pou yo fè si gaz lage bò lakay yo oubyen si yo ta nan mitan mèvèy ? Se pousa mwen vini ak konsèy saa jodi ya …

23 KOUMAN POU KALME DOULÈ LATIBOJÈN ?

Gaz lakrimojèn (ke yo rele tou atibojèn oubyen latibojèn) lè li tonbe nan je ou li ka fèw danse kalinda : ki jan pou trete sa?
Men kèk fason pou limite risk ki genyen nan enpak gaz lakrimojèn:
• Rete kalm, kò ou pa ta dwe panike;
• Deplase pi lwen ke posib nan zòn emisyon gaz lakrimojèn lan;
• Pa manyen figi w oswa fwote je w. Si ou fwote je ou, bagay yo ap pirèd pou ou;
• Si ou te resevwa Bonm gaz lakrimojèn nan je ou, souple asire w ke ou retire lantiy kontak ou (si ou mete lantiy) epi jete yo! Lè sa a, netwaye je ou ak yon solisyon apwopriye …;
• Pa ezite mouche nen ou epi krache pou elimine sibstans la.

Lè sa a, asire w ke ou netwaye sifas kò ou ki pran kontak ak gaz la ak dlo. Sepandan, si ou santi kèk nan enpak sa yo pèsiste pandan yon tan ki depase 30 minit ak 1 nèd tan, konsilte doktè ou.

Pou fanm ansent, ki ta gen kontak ak gaz lakrimojèn, li enperatif yo wè yon doktè pi vit ke posib.
Ki jan yo netwaye gaz lakrimojèn nan rad?
Yo ta dwe retire rad pi vit posib epi lave yo. Si ou pa kapab retire yo imedyatman, nou konseye w sèvi ak fab pou dekontamine, gaz lakrimojèn la epi rense ak anpil dlo. Sa va kòmanse pa retire tras gaz lakrimojèn la ak diminye efè li yo. Ou kapab tou itilize yo sou po a pou diminye malèz akòz li ka boule po a. Evite pase anken pomad sou pow, pa lage koka oubyen lèt sou kòw ak nan jew kontrèman ak saw te ka tande se dlo (anpil dlo ki kle ya). Patikil chimik yo aji sou kontak ak manbràn mikez yo: rense byen (Si ou pa gen dlo se lè saa ou ka itilize nenpòt likid) se sèl fason pou retire résidus yo. Dlo pèmèt gaz la konbine pi vit (se sak fè doulè a ap pi rèd nan kòmansman lè wap videl la), men kontinye aplike li nan gwo kantite Lè sa a, ou ede retire résidus chimik yo.

Bon samdi

Jéach 2022

Ti Konsèy Sou Kuizin se yon ribrik ki anime pa Jéach (G.H.) Sou gwoup Whatsapp Rezo Passions ki rele Passion Gastronomie. Sou gwoup Whatsapp la, ribrik la pibliye sou non YonTiKonsèyChakJou

foto : santemagazine.fr