TKSK: FÈ FOTO KRÈM KONSEY 06

Ti Konsèy Sou Kuizin avèk chèf Jéach

Nan seri aprann fè foto manje jodi ya nap kontinye sa nou ap fè depi kèk madi ki sot pase la yo. Eksplore estil photo kilinè tankou « STYLE MINIMALISTE » teknik ak konsèy pou aplike, pou fotow gen estil ak pèsonalite, san ou pa itilize yon pakèt akseswa epi depanse anpil.

Jodi ya epi men jan ak lòt madi ki pase yo mwen ap kontinye (epi tou finin ak pale) sou kijan pou fè foto krèm.

41 – FÈ FOTO KRÈM KONSEY 06

Konsèy 06 – Kijan pou fè krèm glasew byen parèt

Pou fè krèm ou byen tyeke, evite ton sou ton pou ka fè resoti koulè krèm glase a. Jwe sou kontras ak koulè konplemantè pou ka mete krèm lan an evidans

Pou krèm glase blan (tankou sèten krèm vaniy), mete yo sou yon fon ki pi fonse oswa yon fon ki gen koulè pou kreye kontras.

An Konklizyon
Mwen panse ke ak 6 konsèy sa yo, ou gen tout kle yo pou byen pase nan fè foto krèm glase. Konsèy ki pi enpòtan nan mitan 6 mwen bay yo rete sa ki nan òganizasyon ak nan lòd oudwe genyen pou pi byen jere tout seans tire pòtre krèm la. Yon fwa ou te asimile tout bagay sa yo, li pral sanble pi fasil pou fè foto krèm glase (kote moun pwal mandew si se sou Entènèt ou telechajel | komsi foto ki sou entènèt la se pa moun ki fè yo).

Pase yon bon madi, randevou kase pou lòt semenn pou plis toujou.

Jéach 2022

Ti Konsèy Sou Kuizin se yon ribrik ki anime pa Jéach (G.H.) Sou gwoup Whatsapp Rezo Passions ki rele Passion Gastronomie. Sou gwoup Whatsapp la, ribrik la pibliye sou non YonTiKonsèyChakJou

Foto : laphotoculinaire.com