TKSK: CREPES FARCIES aux petits fruits

Ti Konsèy Sou Kuizin avèk chèf Jéach

Jodi ya nan jedi tansyon nou pwal bay resèt sou you lòt nan petidejene mwen te rekòmande nan 21 jou menu tansyon san presyon Nan manje maten jodi ya, ki dwe mete yon fen nan grangou omwen 12 zèd tan san manje ki ta dwe nomal si nou pase nwit la ap domi …

Manje tansyon pou jodi ya se CREPES FARCIES aux petits fruits

PÒSYON: pou 6 krèps (oubyen 3 repas)
PREPARASYON: 15 minit
TAN POU KWIT : 35 minit

ENGREDYAN
• 210 b (1 ½ tas) peti fwi (bleuet, fraises, framboise)
• 60 ml (½ tas) siwo erab
• 200 g (1 ½ tas) farin si posib ki pa blanchi
• 25 g (1/4 tas) son avwan (oubyen son de ble)
• 3 ze
• 500 ml (2 tas) lèt.

PREPARASYON
Nan yon kaswòl, melanje fwi yo ak siwo erab la. Kwit yo sou chalè medyòm pou 15 minit, brase detanzantan.

Pandan se tan, nan yon gwo bòl, melanje farin lan, ak son davwàn lan, ze ak lèt.

Nan yon pwèlon cho mete yon ti kras lwil sou chalè medyòm men vif, vide 125 ml (1/2 tas) pàt pou chak krèp. Kwit chak bò pou apeprè 2 minit.

Gaye fwi a nan mitan krèp yo epi pliye yo an 2 mwatye. Sèvi 1 oswa 2 krèp pou chak moun.

SIGESYON

Lè w ap kwit krèp yo, byen plati pat la pou fè gwo krèp trè mens. Lè sa a, gaye fwi yo epi woule krèp ou.

Note byen li rekòmande pou mete son davwan nan alimantasyon ou pase li gen fib epi li trè bon nan yon rejim kap jere tansyon wo

VALÈ NITRISYONÈL POU CHAK PÒSYON
• Kalori 270
• Lipid 5 g
• Sodyòm 73 mg
• Glisid 45 g
• Fib 4 g
• Pwoteyin 12 g

Bon Jedi ! @ Demen pou vandredi teknik

Jéach 2022

Ti Konsèy Sou Kuizin se yon ribrik ki anime pa Jéach (G.H.) Sou gwoup Whatsapp Rezo Passions ki rele Passion Gastronomie. Sou gwoup Whatsapp la, ribrik la pibliye sou non YonTiKonsèyChakJou

Foto : chefcuisto.com.com