Ti Konsèy Sou Kuizin avèk chèf Jéach
Jodi ya se dimanch jou lejann oubyen verite.
Kesyon nou gen pou ou jodi ya se eske se vre niche kouvèti yogout pa bon pou santew ? Si nou remake byen kouvèti ti bwat yogout yo gen yon ti koulè aliminyòm eske si ou pa vle pèdi tou ti kras ki ka rete kole sou pati saa ou ka pèdi la viw ? Mwen wè gen nan nou ki ap je yo byen gran … epi ap tann sam pwal di
Lè w niche kouvèti yogout la, li ta danje pou sante w. Foulay ou verite sou tanbou ?
Verite ya sè ke niche yogout la lontan te konn trè danjere pou sante paske ou te an kontak dirèk ak aliminyòm ki te konpoze kouvèti ti po yogout la.
Men jodi a, kouvèti yo kouvri yon fason ke pa gen okenn risk ankò pou sa rive. Konsa, li pa danjere pou niche kouvèti yogout la. Mwen di niche wi mwen pa di moulenl non tout jwèt jwèt kwochèt pa ladanl.
Pase yon bon dimanch.
Jéach 2022
Ti Konsèy Sou Kuizin se yon ribrik ki anime pa Jéach (G.H.) Sou gwoup Whatsapp Rezo Passions ki rele Passion Gastronomie. Sou gwoup Whatsapp la, ribrik la pibliye sou non YonTiKonsèyChakJou
foto : intradel.be
Les commentaires sont fermés.