TKSK: Fè manje pou diminye strès

Ti Konsèy Sou Kuizin avèk chèf Jéach

Jodi ya mèkredi jou kote nou ka pale sou tout bagay ki gen rapò ak gastronomi san baboukèt,san nou pa mete fokis sou youn tèm an patikilye. *jodi kèkilanswa kote wap viv gen anpil chans ou domi ak estrès ou leve ak estrès. Ti stres gwo strès si ou mal jerel li ka nwizib pou santew* Men eske ou te konnen ke *fè manje ka yon bon jan pou diminye estrès ?*

Depi semenn pase nou ta baw konsey sou kouman ou ka sèvi ak fè manje pou detann ou men kèk lòt ti konsèy ankò pou sa byen fèt.

1 Pou koumanse bliye zafè liv kwizin pou fè manje a. *Se kreyativite ki pwal diminye estrès nan zafè kwit manje ya. Espas kwizin nan se kote pafè pou kite kreyativite ou Taye banda. Pa bay tèt ou pwoblèm ke se yon sèl resèt ou konn fè oubyen ke ou poko menm jan ak moun wap wè nan televizyon oubyen sou tiktok _(gen anpil moun ki pa menm ka fè sa wap fè ya)_. Kite lang ou ak bon sans ou gide w pandan w ap travay ak engredyan ke ou gen sou la men

2 Fè eksperyans sou gou ak teksti. Yon bon fason pou jwenn kreyativite nan kwizin nan se eseye nouvo konbinezon gou. Pa egzanp, ou ka eseye asosye poul boukannen ak pikliz ki fèt ak chou tout koulè nan plas yon diri ak pwa. Ou ka eseye tou nouvo epis, pandan wap evite fasilite Maggi ki gen bon gou men anpil ajan konsèvasyon ki nesesèman pou vant.

3 Kwit yon bagay nouvo chak fwa ou kapab. Eseye yon nouvo plat se yon bon fason pou soulaje estrès pandan w ap aprann yon bagay nouvo. Mande yon zanmi oswa yon manm fanmi ki resèt li pi renmen, oswa eseye sou yo dènye kreyasyon ou a. Konsantre sou yon bagay nouvo pral edew soulaje tansyon epi li ka diminye enkyetid ak estrès tou.

4 Jwenn atik kwizin ou renmen. Se pa tout moun ki fèt tou chef, men pifò pral jwenn sèten eleman nan kwizin nan ki pèmèt yo detann yo ak bay kreyativite yo jarèt. Petèt ou renmen koupe legim oswa kreye nouvo konbinezon epis pou ajoute nan asyèt senp. Konsantre sou sa ou renmen nan kwit manje epi kite kreyativite ou fòme asyèt ou renmen prepare yo.

*Bon mèkredi !*

Jéach 2022

Ti Konsèy Sou Kuizin se yon ribrik ki anime pa Jéach (G.H.) Sou gwoup Whatsapp Rezo Passions ki rele Passion Gastronomie. Sou gwoup Whatsapp la, ribrik la pibliye sou non YonTiKonsèyChakJou

Foto : laphotoculinaire.com