TKSK: KOUMAN POU FÈ FOTO SOUP?

Ti Konsèy Sou Kuizin avèk chèf Jéach

YonTiKonseyChakJou_20221004
Nan seri aprann fè foto manje jodi ya nou pwal koumanse wè kouman nou ka fè foto soup. Pouki soup ? Pase mwen twouve yon soup de fwa trè raz pou fè foto li si ou pa kreyatif fotow la riske ase banal.

43 – KOUMAN POU FÈ FOTO SOUP?

Pa gen anyen ki trè enteresan nan fè foto yon soup. Li se yon sijè ki ka ala fwa tou senp konsa li ka konpleks. Vizyèlman désagréable, souvan nan yon koulè tris ak monotòn, san sekou, li ka difisil pou mete aksan sou soup la epi prezantel kou yon bagay ki gou. Map eseye ban nou plizyè konsèy kap ede men youn toujou pou jodi ya

1- Oryante limyè a ak entèlijans

Gras ak limyè a, ou pral kapab revele teksti soup ou a trè senpleman. Pou sa, mwen konseye w mete tèt ou nan mitan wout ant sous limyè ki dwe lateral (li parèt sou kote soup) epi yon limyè ki yon ti jan pa dèyè soup (contre jour).

Lè limyè a soti an dyagonal, li se li bay yon sansasyon dous epi byen defini an menm tan. Pa gen anyen tankou sa pou baw anvi tranpe yon kiyè nan bòl la konsa. Eseye teknik sa a sou veloutés yon ti kras epè, trase ladanl yon liy ak yon kiyè.

Ekleraj pa dèyè soup la ka fè mèvèy tou. Rezilta pi brital paske limyè a pral reflete sou soup la, mete aksan sou teksti li yo ak yon jwèt nan limyè ya. Tout depann ki efè ou vle reyalize.

Avèk yon limyè lateral, rezilta a pral pi dous, pi entim, ak mwens relièf.

Pa gen limyè ki pi bon, gen jis ki limyè ki koresponn ak filing ou vle kreye a. Anvan ou fè foto a, mete sous limyè a yon fason diferan pou vrèman wè ki rezilta ki pi bon pou ou.

Pase yon bon madi, randevou kase pou lòt semenn pou plis toujou.

Jéach 2022

Ti Konsèy Sou Kuizin se yon ribrik ki anime pa Jéach (G.H.) Sou gwoup Whatsapp Rezo Passions ki rele Passion Gastronomie. Sou gwoup Whatsapp la, ribrik la pibliye sou non YonTiKonsèyChakJou

Foto : laphotoculinaire.com