TKSK: Fè manje ka yon bon jan pou diminye estrès

Ti Konsèy Sou Kuizin avèk chèf Jéach

Jodi ya mèkredi jou kote nou ka pale sou tout bagay ki gen rapò ak gastronomi san baboukèt,san nou pa mete fokis sou youn tèm an patikilye. jodi kèkilanswa kote wap viv gen anpil chans ou domi ak estrès ou leve ak estrès. Ti stres gwo strès si ou mal jerel li ka nwizib pou santew Men eske ou te konnen ke fè manje ka yon bon jan pou diminye estrès ?

Depi de semenn pase yo mwen baw konsey sou kouman ou ka sèvi ak fè manje pou detann ou men kèk lòt ti konsèy ankò pou sa byen fèt.

Chwazi manje ki pran omwen inèdtan oswa plis pou kwit. Yon fason pou ogmante soulajman estrès ou nan kwit manje se chwazi pal ki pran tan pou kwit manje. Pou egzanp, si w ap kwit yon vyann boukannen ki pran plizyè èdtan, ou ka itilize tan lib la pou fè yon bagay ki ap detann ou tankou li yon liv oswa gade emisyon televizyon ke ou pi renmen ya.

Kwit ak fi n zèb ak epis santi bon ki amelyore atitid ou. Ou ka ede diminye estrès lè w enkòpore sèten aromat, epis santi bon, ak fi n zèb nan woutin pou kwit manje ou chak fwa ou gen pou fè sa. Eseye fè yon plat ak « sauge » oswa lavand pou soulaje estrès. Mant ak Basilik ka ede remonte moral ou, ak yon plat ak Citrus oswa Rosemary ladanl ka dinamize w epi pote enèji nan kòw.

Prepare yon desè pou f`e vid nan lespriw. Patistri ka ede soulaje estrès ak tansyon ke ou ka genyen. Eseye kreye yon gato, yon tat, oswa yon bonbon pou soulaje estrès. Pataje desè a ak zanmi w ak fanmi w. Apresyasyon yo nan kreyasyon ou ka ede tou amelyore atitid ou.

Vyann oswa bèt volay boukannen dousman se meyè jan pou detann ou. Kwit yon poul antye, yon pwatrin vyann bèf oswa yon zepòl vyann kochon ka ede soulaje estrès. Abiye vyann lan nan kèk fèy santi bon oubyen aromat, mete l nan dife pou chofe fou a epi kite bon sant vyann oswa bèt volay kap griye tou dousman ranpli kwizin ou. Eseye kwit pòsyon siplemantè ke ou ka tounen nan manje midi demen.

Bon mèkredi !

Jéach 2022

Ti Konsèy Sou Kuizin se yon ribrik ki anime pa Jéach (G.H.) Sou gwoup Whatsapp Rezo Passions ki rele Passion Gastronomie. Sou gwoup Whatsapp la, ribrik la pibliye sou non YonTiKonsèyChakJou

Foto : laphotoculinaire.com