TKSK: REYAKSYON MAILLARD

Ti Konsèy Sou Kuizin avèk chèf Jéach

Jou vandredi se jou nou fè yon rale sou teknik yo sèvi nan domèn kwizin oubyen fè manje (sa nou rele gastronomi ya). Nou fè ti bat bouch saa, swa pou nou prezante yon teknik moun pa twò konnen, swa pou nou detaye yon teknik moun konnen men nan jan kòrèk pou li fèt. Nou esplike kisa teknik saa fè nan transfòmasyon manje ya pou nou ka konsome li. Jodi ya nou pwal pale sou :

REYAKSYON MAILLARD*

Reyaksyon Maillard se yon pwosesis dekouvri pa Louis-Camille Maillard ke se yon chimis, metòd sa a yo itilize lè nap kwit manje nan tanperati ki wo anpil. Li lakòz reyajman nan estrikti molekilè manje kap kwit la.

Chak engredyan ke wap kwit konpoze de divès asid amine ak idrat kabòn, kidonk rezilta yo inik nan chak sitiyasyon. Reyaksyon Maillard la responsab divès efè tankou chnaje koulè, bonbon ki vin byen dore (alòs ke li te blanch avan ou metel sou dife), kwout byen kroustiyan nan pen (oubyen pate kòde), gou malte griye nan byè, ak jan vyann vyann ki te byen mou li vi n griye epi krap krap anba dan lè pran bon chalè.

Randevou kase pou vandredi pwochen dòt konsèy teknik

Jéach 2022

Ti Konsèy Sou Kuizin se yon ribrik ki anime pa Jéach (G.H.) Sou gwoup Whatsapp Rezo Passions ki rele Passion Gastronomie. Sou gwoup Whatsapp la, ribrik la pibliye sou non YonTiKonsèyChakJou

Foto : larecette.net