TKSK: Kijan pou kwit manje pou diminye kantite grès ou ap met nan kòw ?

Ti Konsèy Sou Kuizin avèk chèf Jéach

Jodi ya mèkredi jou kote nou ka pale sou tout bagay ki gen rapò ak gastronomi san baboukèt,san nou pa mete fokis sou yon tèm an patikilye. jodi mwen deside ale senp map ban nou 5 ti konsey ki ka ede nan fè manje yon jan poul gen mwens grès

Kijan pou kwit manje pou diminye kantite grès ou ap met nan kòw ?

1. Olye pou fri vyann, bèt volay oswa pwason, kwit yo alavapè, bouyi oswa griye yo.

2. Retire po nan bèt volay yo anvan ou kwit manje ou fè avèk yo.

3. Lèw fin bay vyann ou koulè Kitel degouté pou vide grès la.

4. Apre w fin kwit yon soup, bouyon, oswa tchili, mete yo nan frijidè pou tout lannwit lan. Grès la ap vi n di epi lap rete naje anlè lè saa wap ka retire li ak yon kiyè.

5. Olye pou w sèvi salad ou ak sòs bè oswa krèm blanch, sezonen legim yo ak fèy seche santi bon ak epis santi bon pou bayo gou. Yon ti kiyè poud Curry pote bon gou nan resèt aspèj griye oubyen pòmdetè sote ou bouyi.

Bon mèkredi !

Jéach 2022

Ti Konsèy Sou Kuizin se yon ribrik ki anime pa Jéach (G.H.) Sou gwoup Whatsapp Rezo Passions ki rele Passion Gastronomie. Sou gwoup Whatsapp la, ribrik la pibliye sou non YonTiKonsèyChakJou

Foto :