|
Getting your Trinity Audio player ready...
|
Kontrèman ak sa anpil moun ka panse, premye albòm Mizik Mizik se pa DeGer. Djaz la pa fòme non plis an 1993.
Mizik Mizik egziste depi 1986 e premye albòm li rele Farinay (1989). Li te gem kèk mòso sou li ki te jwe nan radyo yo.
Pa egzanp mizik ki rele « Pa kite l’ ale » a te jwe anpil. Se vre tou ke anpil moun konn panse ke se Zenglen ki fè mizik sa a paske se Gary Didier Perez ki chante li.
Albòm Farinay la gen patisipasyon anpil gwo non (ou ki ta pral vin gwo non nan apre):
anplis Gary Didier Perez, nou ka site: Beethova Obas, Eddy Brisseaux, Albert Chancy, Emeline Michel, ak mizisyen ki ta pral fòme Boukman eksperyans yo tou.
Se ak mòso « Pa kite l’ ale » a ke n’ap envite ou dekouvri oubyen redekouvri Farinay la. Pa ezite chèche lòt mizik yo pou plis plezi. Epi sonje di nou sa ou panse de albòm nan.
Soyez le premier à commenter